92 De duobus serpentibus

Item²¹⁶ est serpens in plano cuiusdam turris que est alta palmis 100, et ascendit cotidie \({1 \over 3}\) unius palmi et descendit²¹⁷ \({1 \over 4}\). In summitate vero turris est aliud serpens, qui descendit cotidie \({1 \over 5}\) et ascendit \({1 \over 6}\). Queritur in quot diebus infra turrim coniungentur.

Pone ergo²¹⁸ ut coniungantur in diebus 60, ideo quia in 60 reperiuntur \({1 \over 6}\) \({1 \over 5}\) \({1 \over 4}\) \({1 \over 3}\). Vide ergo quantum se serpentes appropinquant in illis diebus 60. 93 Inferior vero serpens ascendit in illis diebus 60 magis quam descendat palmis 5. Superior vero descendit magis quam ascendat palmis 2. Ergo appropinquantur palmi 7. Quare dicendum est: pro diebus 60 quos pono, appropinquantur serpentes palmi 7, quid ponam ut appropinquentur²¹⁹ palmi 100? Multiplica 60 per 100; erunt 6000, que divide per 7: exibunt dies \({1 \over 7}\) 857, et in tantum temporis coniungentur se²²⁰.

94 Nam si quesieris in qua parte turris se coniungerint²²¹, sic

dies iunctionis \({1 \over 7}\) 857 ascensio inferioris \({3 \over 7}\) 71 descentio superioris \({4 \over 7}\) 28

²²² facies: multiplica 5, scilicet ascensionem inferioris serpentis, per 100; erunt 500, que divide per 7: exibunt palmi \({3 \over 7}\) 71, et tot ascendit inferior serpens. Et si descensionem superioris serpentis, scilicet 2, per eundem 100 multiplicaveris et summam per 7 diviseris, exibunt palmi \({4 \over 7}\) 28 pro loco coniunctionis ipsorum a superiori parte.