47 De divisione numerorum cordetenus in manibus per eosdem numeros¹³⁴

Verum si materia consimilium divisionum cordetenus in manibus operari voluerit, retineat numerum in manibus quem dividere voluerit, et eat semper per manus gradatim dividendo, incipiendo ab ultima figura, ponens semper in manibus numeros ex divisione exeuntes, superflua semper cordetenus retinendo et numerum dividendum gradatim de manibus delendo. 48 Verbi gratia: ut si proposuerit dividere 7543 per 6, retineat¹³⁵ prescriptum numerum in manibus, et dividat 7 per 6, que 7 sunt in manu dextera in loco miliariorum: exibit 1 et remanet 1. Deleat¹³⁶ 7 de manu et ponat¹³⁷ ibidem 1, et remanens 1 retineat in corde, quod copulet cum 5 que sunt in manu dextera in loco centenariorum, erunt 15, que dividat per 6: exibunt 2 et remanent 3; deleat 5 de manu et ponat ibidem 2 et in corde retineat 3, quibus copulatis cum 4 que sunt in sinistra manu in loco decenarum¹³⁸ faciunt 34, que dividat¹³⁹ per 6: exibunt 5 et remanent 4. 49 Deleat 4 de manu et ponat ibidem 5 et remanentia 4 in corde retineat, que copulet cum 3 que sunt in eadem manu in loco unitatum; erunt 43 que dividat per 6: exibunt 7 et remanet¹⁴⁰ 1. Deleat 3 de manu et ponat ibidem 7, et pro remanenti 1 dicat sextam, et sic habebit in manibus pro quesita divisione \({1 \over 6}\) 1257.