101 Pars octava secundi capituli³⁵⁹

Est enim alius modus multiplicandi valde laudabilis, maxime in multiplicandis magnis numeris, quem ostendam in multiplicatione de 567 in 4321. Constituatur

2 4 5 0 0 0 7         4 3 2 1       3 0 2 4 7 7     2 5 9 2 6 6     2 1 6 0 5 5

quadrilaterum in forma³⁶⁰ scacherii, habens puncta 5 in longitudine, scilicet unum plus numero figurarum maioris numeri, et habeat in latitudine puncta 3, sicuti sunt tres figure in minori numero, et ponatur³⁶¹ maior numerus super quadrilaterum supradictum et minor ponatur ante ipsum, ut hic cernitur, et multiplicetur prima figura minoris³⁶² numeri, scilicet 7, per 1, scilicet per primam maioris numeri: facies 7, que ponantur in primo puncto superioris linee, scilicet sub ipso 1. 102 Et multiplicentur 7 per secundam figuram maioris numeri, scilicet per 2: erunt 14; ponantur 4 sub 2 post posita 7, scilicet in secundo puncto superioris linee, et servetur 1, cum quo addatur³⁶³ multiplicatio eorundem 7 in 3: erunt 22; ponantur 2 in tertio puncto post 4 posita³⁶⁴ et serventur³⁶⁵ 2, cum quibus addatur multiplicatio de 7 in 4, scilicet in ultimam figuram maioris numeri: erunt 30, ex quibus ponatur 0 in quarto puncto et 3 in quinto.

103 Simili quoque modo multiplicabuntur³⁶⁶ 6 singulariter per 1 et per 2 et per 3 et per 4: exibunt 6 in primo puncto secunde³⁶⁷ linee et 2 in secundo et 9 in tertio et 5 in quarto et³⁶⁸ 2 in quinto; quod idem fiat³⁶⁹ de 5 que sunt in ultimo gradu minoris numeri, et habebitur 5 in³⁷⁰ primo puncto tertie linee et 0 in secundo et 6 in tertio et 1 in quarto et 2 in quinto. 104 Deinde pro 7 que posita sunt in primo puncto ponantur³⁷¹ 7 super 1, et addantur 6 et 4 que sibi invicem sunt opposita post ipsa 7: erunt 10; ponatur³⁷² 0 super 2 et servetur 1, cum quo addatur 5 et 2 et 2 que item sibi invicem sunt opposita post predicta 6 et 4: erunt 10; ponatur iterum 0 super tertium gradum, scilicet super 3, et servetur iterum 1, quod addatur cum 0 et 9 et 0 que item sibi invicem sunt opposita post dicta 5 et 2, et³⁷³ erunt 10. 105 Ponatur iterum 0³⁷⁴ super 4, scilicet super ultimum gradum³⁷⁵ maioris numeri et servetur iterum 1, quod addatur cum 6 et 5 et 3 que sunt in sequenti oppositione: erunt 15; ponantur 5 in quinto gradu et servetur 1, quod addatur cum 1 et 2 que sunt in sequenti oppositione: erunt 4 que ponantur in sexto gradu. Deinde³⁷⁶ ponantur 2 in septimo gradu pro 2 que sunt in angulo quadrati post dictam oppositionem de 1 et 2 et habebis predictam summam³⁷⁷.