99 Pars septima secundi capituli³⁵⁰

Item si voluerit cordetenus multiplicare 347 per 347, multiplicet 7 per 7 retenta numerorum descriptione in corde: erunt 49; ponat 9 in manu sinistra in loco unitatum et in dextera retineat 4; et bis 7 per 4³⁵¹ et addat cum 4 servatis: erunt 60; ponat 0 in loco decenariorum in manu sinistra, hoc est nichil, et retineat in dextera 6, et bis 7 per 3 et 4 per 4 et insimul iunctis³⁵² erunt 64; ponat 4 in dextera in loco centenariorum et 6 retineat in loco miliariorum vel in corde; 100 et bis 4 per 3 et addat cum 6³⁵³ servatis: erunt 30; deleat de loco miliarorum 6 et ponat ibidem pro 0 nichil, et retineat in corde 3; et 3 per 3 et addat cum 3 servatis in corde: erunt 12, que iterum³⁵⁴ retineat in corde³⁵⁵ cum non possit ipsa³⁵⁶ in manibus ponere, et sic habebitur pro hac multiplicatione 120409. Et ita si numeros in corde retinere sciverit³⁵⁷ et quemadmodum edocetur progrediri³⁵⁸, levius quam in tabula poterit multiplicationes quorumlibet numerorum secundi gradus et tertii cordetenus in manibus invenire.