155 De quarta differentia disgregationis³³⁵

Quarta differentia est quando maior est sine regula, et uno plus maiori dividitur per 1 minus minori, ut \({5 \over 11}\) et \({7 \over 11}\). Huius differentie regula est ut extrahas 1 de minori, ex quo³³⁶ facies unam singularem partem unius integri, videlicet talem qualis fuerit numerus qui est sub virgula; et tunc remanebunt tibi partes tertie differentie. 156 Ut si de \({5 \over 11}\) extraxeris \({1 \over 11}\), remanebunt \({4 \over 11}\), pro quibus \({4 \over 11}\) habebis singulares partes per tertiam differentiam \({1 \over 33}\) \({1 \over 3}\); cum quibus addita \({1 \over 11}\) suprascripta, reddunt \({1 \over 33}\) \({1 \over 11}\) \({1 \over 3}\). Eademque ratione pro \({7 \over 11}\) habebis \({1 \over 22}\) \({1 \over 11}\) \({1 \over 2}\), et pro \({3 \over 7}\) habebis \({1 \over 28}\) \({1 \over 7}\) \({1 \over 4}\), et pro \({6 \over 19}\) habebis \({1 \over 76}\) \({1 \over 19}\) \({1 \over 4}\), et pro \({7 \over 29}\) habebis \({1~~1\phantom{9} \over 5~~29}\) \({1 \over 5}\)³³⁷, hoc est \({1 \over 145}\) \({1 \over 29}\) \({1 \over 5}\).