1269 Est arbor que habet ramos 100, et in quolibet ramo sunt nidi 100, et in quolibet nido sunt ova 100, et in quolibet ovo sunt aves 100. Summam enim rerum potes invenire per suprascriptas regulas vetularum, sed qualiter aliter fieri debeat hic ostendamus. Primum describe ramos 100, ante quos pone duo zephira propter 100 nidos qui sunt in quolibet ramo; 1270 erunt 10000, ante que etiam pone duo alia 00 propter ova 100 que sunt in quolibet nido; erunt 1000000, ante que etiam adde 00 duo pro 100 avibus que sunt in quolibet ovo; erunt 100000000. Deinde dele zephira¹⁵⁹⁵ qui sunt in primo gradu et in tertio et in quinto et in septimo illius numeri et pone in eisdem¹⁵⁹⁶ gradibus 1, et sic habebis 101010101¹⁵⁹⁷ pro quesita summa. 1271 Nam si suprascriptas species, ramorum scilicet et nidorum, ovorum et avium, per mille numerum accrescerent, poneres in primo ramos 1000, ante que poneres tria zephira pro nidis et tria alia pro ovis et tria alia pro avibus sic: 1000000000000; de quo numero debes demere primum et quartum ab eodem, scilicet quartum et septimum et decimum; 1272 et pone unitates in eisdem¹⁵⁹⁸

summa 1001001001001

¹⁵⁹⁹ gradibus, et habebis summam ipsorum, ut hic ostenditur 1001001001001¹⁶⁰⁰. Et sic intelligas si species suprascripte ascenderent per decem mille, vel per centum mille, vel per quemlibet alium numerum unitatem habentem in ultimo gradu et zephira in reliquis.