1264 Septem vetule vadunt Romam; quarum quelibet habet burdones 7, et in quolibet burdone sunt

137256 7 49 343 2401 16807 117649

¹⁵⁸⁸ sacculi 7, et in quolibet sacculo panes 7, et quilibet panis habet cultellos 7, et quilibet cultellus habet vaginas 7. Queritur summa omnium predictorum. Primum quidem multiplica numerum vetularum, scilicet 7, per numerum burdonorum, scilicet per 7; 1265 erunt burdones 49, quos multiplica per numerum tascarum, scilicet per 7; erunt tasche 343, quas multiplica per numerum panum¹⁵⁸⁹ unius tasche, scilicet per 7; erunt panes 2401, quos multiplica per numerum cultellorum unius panis, scilicet per 7; erunt cultelli 16807, 1266 quos multiplica per numerum vaginarum unius cultelli, scilicet per 7; erunt vagine 117649, quibus iunctis cum cultellis 16807 et cum panibus 2401 et cum sacculis 343 et cum burdonibus 49 et cum vetulis 7 erunt in summa 137256, ut in descriptione ostenditur.

1267 Aliter: quot sunt genera rerum uniuscuiusque vetule, tot septimos pone in quadam virga, cum genera rerum ascendant per septenarium; et ante ipsam virgam pone 1 pro una vetularum, et retro virgam pone 7, scilicet numerum vetularum: \(7 {1~~1~~1~~1~~1 \over 7~~7~~7~~7~~7} 1\)¹⁵⁹⁰. 1268 Et¹⁵⁹¹ multiplica 1 per prima 7¹⁵⁹², et adde unum quod est super ipsa 7¹⁵⁹³: erunt 8, que per aliam \({1 \over 7}\): erunt 57, que multiplica per tertiam \({1 \over 7}\) que per reliquas septimas, et habebis¹⁵⁹⁴ pro numero rerum unius vetule 19608; que multiplica per 7 que posita sunt post virgulam: erunt 137256, ut per alium modum invenimus.