1

Incipit capitulum septimum de additione et extractione et divisione numerorum cum ruptis et de reductione¹ plurium partium in singulis partibus

Septimum itaque capitulum in partes sex dividimus. In prima quarum additionem unius virgule cum alia, nec non extractionem unius virgule de alia demonstrabimus et divisionem unius virgule per aliam. In secunda additionem et extractionem duarum virgularum cum duabus, et de divisione earum ad invicem. 2 In tertia divisionem² integrorum numerorum per integros et ruptos et eorum³ contrarium. In quarta additionem et extractionem et divisionem integrorum numerorum cum ruptis cum integris et ruptis. In quinta autem addictationes⁴, extractiones⁵ seu divisiones partium numerorum cum ruptis edocebimus. In ultima quoque reductiones plurium partium in singulis partibus ostendemus.