94 Pars sexta secundi capituli

Verum cum suprascriptam multiplicandi doctrinam frequenti usu in tabula quis operari sciverit, et voluerit eandem doctrinam cordetenus et³³⁵ in manibus, absque tabule descriptione, in numeris secundi et tertii gradus habere, retineat descriptionem³³⁶ numerorum in corde quos multiplicare voluerit et incipiat multiplicare secundum prescriptum ordinem, et primam positionem in manu sinistra in loco unitatum ponat, et secundam³³⁷ scilicet positionem in eadem manu in loco decenarum. 95 Tertiam³³⁸ vero in manu dextera in loco centenariorum. Quartam vero in loco miliariorum studenter^339[3] ponere consuescat. Quintam vero et deinceps in corde retineat, cum in manibus amplius retinere non possit; et sic habebit quorumlibet numerorum multiplicationem.

96 Verbi gratia: ut si voluerit multiplicare 12 per 12, retineat descriptionem illorum in corde, et multiplicet 2 per 2: faciunt 4, que 4 ponat in sinistra manu in loco unitatum; et multiplicet 2 de superioribus 12 per 1 de inferioribus et 2 de inferioribus per 1 de superioribus et addat

144 12 12

³⁴⁰ insimul: erunt 4, que ponat in eadem manu sinistra in loco decenario, hoc est in signo quadragenario; et multiplicet 1 per 1, scilicet secundam figuram per secundam: faciunt 1, quod ponat in manu dextera in loco centenariorum. Et sic habebit pro quesita multiplicatione 144, ut in hac pagina cernitur.

97 Item si cordetenus voluerit multiplicare 48 per 48, multiplicet 8 per 8: erunt 64;

2304 48 48

³⁴¹ ponat ergo 4 in manu sinistra in loco unitatum et 6 retineat in manu dextera in loco centenariorum. Et multiplicet 8 per 4 et 8 per 4 et addat insimul: erunt 64, que addat cum 6 servatis in manu dextera: erunt 70, ex quibus ponat 0, hoc est nichil, in manu sinistra in loco decenariorum³⁴² et 7 retineat in manu dextera, cum quibus addat multiplicationem de 4 in 4, scilicet 16: erunt 23, ex quibus³⁴³ ponat 3 in manu dextera in loco centenariorum et 2 ponat in eadem manu in loco miliariorum, hoc est in signo bis milleno. Et sic habebit pro quesita multiplicatione 2304.

98 Item si voluerit multiplicare³⁴⁴ 23 per 57, retineat eorum descriptionem in corde et multiplicet 3

1311 23 57

³⁴⁵ per 7: erunt 21; ponat 1 in loco unitatum in manu sinistra et retineat in manu dextera 2; et 3 per 5 et 7 per 2 et addat cum 2 servatis: erunt 31; ponat 1 in loco decenarum³⁴⁶ et retineat in manu dextera 3; et 2 per 5 et addat cum 3 servatis: erunt 13³⁴⁷; ponat 3 in loco centenariorum in manu dextera et 1 in loco miliariorum³⁴⁸, et sic habebitur³⁴⁹ pro ista multiplicatione 1311.