21 Inventio radicis de 8754

Item si radicem de 8754 invenire volueris, que cum sint numerus quattuor figurarum, scimus¹⁷ similiter quod radix illorum est numerus duarum figurarum. Quare pone sub secundo gradu ipsius numeri, scilicet sub 5, maiorem radicem quam 87 habeat, scilicet numerus duarum ultimarum figurarum de 8754; eritque 9, que pone bis sub 5. 22 Et multiplica 9 per 9 et extrahe de 87:

1\(\phantom{14}\)   61\(\phantom{4}\) 105 8754   93   93

¹⁸ remanent 6 super 7, quibus copulatis cum antecedente figura, scilicet cum 5, faciunt 65, pro quibus pone ante positos novenarios bis talem figuram, qua multiplicata per duplum de 9 et extracta ipsa multiplicatione de 65, remaneat numerus qui cum copulatus fuerit cum figura primi gradus, scilicet cum 4, possis inde extrahere multiplicationem posite figure sub primo gradu in se ipsam¹⁹ et non remaneat inde plus duplo totius radicis invente²⁰. 23 Eritque figura illa 3, qua posita bis sub 4 ante positos novenarios, multiplicabis in cruce 3 per 9 et 3 per 9; erunt 54, que extrahe de 65: remanent 11, que pone super 65, et copulabis 11 cum 4 que sunt in primo gradu; erunt 114, de quibus extrahe multiplicationem de 3 in 3, scilicet 9: remanebunt 105. Ergo radix de 8754 est in integrum 93 et remanent inde 105, que divide per duplum de 93; exibunt \({35 \over 62}\), quas adde cum 93 inventis: erunt \({35 \over 62}\) 93 pro radice de 8754.