50 Divisio 8059 per 5

Vel si voluerit dividere 8059 per 5, retineat numerum in manibus et dicat: \({1 \over 5}\) de 8 que sunt in loco miliarorum est 1 et remanent 3; deleat 8 de manu et ponat ibidem 1, et in corde retineat 3. Et cum in hoc numero in loco centenariorum non habeatur¹⁴¹ aliquid¹⁴² in manu, dicendum est quod sit ibi¹⁴³ zephyrum, cum quo copulet 3 servata: facient 30, quorum \({1 \over 5}\) est 6, que ponat in eodem loco, scilicet centenariorum. 51 Et ducat divisionem de manu dextera ad sinistram, dicens: \({1 \over 5}\) de 5, scilicet de eis¹⁴⁴ que sunt in loco decenarum¹⁴⁵, est 1; deleat 5 et ponat ibidem 1 et accipiat \({1 \over 5}\) de 9 que est 1 et remanent 4, scilicet de eis que sunt in loco unitatum. Deleat ipsa 9 de manu, et ponat ibidem 1 et pro remanentibus 4 dicat \({4 \over 5}\); et sic habebit pro quesita divisione \({4 \over 5}\) 1611. Et sic in reliquis similibus divisionibus intelligatur.

52 Cum¹⁴⁶ autem quis aliquem numerum per 10 dividere voluerit, deleat ex ipso numero¹⁴⁷ figuram primi gradus et ponat eam super quedam 10 posita ex parte cum virgula, et ante ipsam¹⁴⁸ ponat numerum qui remanserit post deletionem dicte prime figure; et sic poterit quemlibet numerum per 10 dividere. Verbi gratia: ut¹⁴⁹ si voluerit dividere 167 per 10, deleat ex ipsis figuram primi gradus, scilicet 7, et ponat ea¹⁵⁰ super quedam 10, ut diximus, ex parte servata cum virgula, et ante ipsam¹⁵¹ ponat remanentem numerum, scilicet 16; et sic habebit pro quesita divisione \({7 \over 10}\) 16. Et si 1673 per 10 dividere voluerit, delens¹⁵² 3 de 1673, remanent pro quesita divisione \({3 \over 10}\) 167.