123 Incipit pars quarta. De divisione trium simplicium numerorum inter se

Cum autem volueris dividere numerum per radicem, vel radicem per numerum, seu radicem per radicem, divide quadratum dividendi per quadratum divisoris et habebis quesita. Verbi gratia: vis dividere 30 per radicem de 10. Quadratum dividendi, scilicet 900¹⁴³, divide per 10: proveniunt 90, quorum radix est¹⁴⁴ id quod exiit ex dicta divisione. 124 Et si vis dividere radicem de 10 per 30, divide 10 per 900: exibit \({1 \over 90}\) unius integri, cuius radix est id quod queris. Item si vis dividere radicem de 80 per radicem de 20, proveniet ex hoc numerus ratiocinatus, cum 20 ad 80 habent proportionem sicut quadratus numerus ad quadratum numerum. Nam ex divisione de 80 in 20 veniunt 4, quorum radix, scilicet 2, est id quod exiit ex divisione; quare ex ductis 2 in radice de 20, radicem de 80¹⁴⁵ surgere necesse est. 125 Et si vis dividere decem radices de 20 per quattuor radices de 11, redige ipsas radices ad radicem unius numeri, scilicet quadratum de 10, scilicet 100, multiplica per 20, et quadratum de 4, scilicet 16, multiplica per 11; et sic veniet radix de 2000 ad dividendam per radicem de 176, ex qua divisione provenit radix de \({4 \over 11}\) 11. Et si quattuor radices 11 vis dividere per decem radices 20, divide 176 per 2000, et imitare modum evitationis in hoc, scilicet \({1 \over 16}\) de 176, scilicet 11, divide per \({1 \over 16}\) de 2000, scilicet per 125: exibunt \({11 \over 125}\), quarum radix est id quod queris.