112 De regula de 951 reperienda³⁸⁹

Verum si regulam de 951 reperire voluerit, dividat ipsa per 3, ideo quia pensa ipsorum est 6: exibunt 317, quibus aliam regulam invenire est impossibile, cum integraliter non possint³⁹⁰ dividi per 7 nec per 11 nec per 13 nec per 17; et pro ipsorum regula amplius querendum non est, quia si divisa fuerit per 19 exiret minor numerus quam 19 ex divisione. Ergo regula de 951 est \({1~~\phantom{1}0\phantom{1} \over 3~~317}\). Item si eam de 873 habere voluerit, cum pensa ipsius numeri sit 0, dividat eum per 9: exibunt 97, qui numerus 97 superius in tabula primus esse monstratur³⁹¹. Qua regula inventa si sub virgula fuerit collocata³⁹², erit \({1 \over 9}\) de \({1 \over 97}\).