33 Divisio 1346 per 4

Item si voluerit quis dividere 1346 per 4, ponat 4 sub 6 et dividat 13 per 4, cum non possit dividere 1 quod est in ultimo gradu numeri: exibunt 3 et remanet 1. Ponat 3 sub 3 et remanens 1 ponat super eadem⁶² 3 et copulet⁶³ ipsum⁶⁴ 1 cum 4 que antecedunt 3 in numero: erunt 14.

12\(\phantom{6}\) 1346 4 \({1 \over 2}\) 336

⁶⁵ Sumat⁶⁶ quartam de 14 que est 3 et remanent 2: 34 ponat 3 inferius sub 4 et remanentia 2 superius, quibus copulatis cum 6 faciunt 26 que dividat per 4; exibunt 6 et remanent 2: ponat 6 sub 6 et remanentia⁶⁷ 2 ponat super virgulam de 4 ex parte servata⁶⁸, que notant duas quartas unius integri, que equales sunt medietati unius integri, et ante ipsas⁶⁹ ponat numerum exeuntem ex divisione, scilicet 336, et sic habebuntur \({1 \over 2}\) 336 pro quesita divisione.

35 Verbi gratia: divisimus primum 13 per 4, que 13 terminantur in tertio gradu. Quare ipsa esse centenaria⁷⁰ cognoscimus, cum tertius gradus sit centenariorum. Divisis ergo tredecim centenariis per 4, veniunt centenaria tria et remanet unum centenarium indivisibile. Quare posuimus 3 in tertio gradu, scilicet in loco centenariorum, et 1 quod fuit superfluum posuimus⁷¹ super 3⁷² et est⁷³ denotans centum; et copulavimus ipsum 1 cum 4, fecerunt 14, que terminantur in secundo gradu, scilicet in loco decenarum. 36 Quare denotant decenas 14, quas divisimus per 4; venerunt tres decene et due decene remanserunt indivisibiles; quare posuimus 3 sub 4 et 2 super 4, in loco videlicet decenarum, et⁷⁴ copulavimus ipsa 2 cum 6 primi gradus. Ex quorum copulatione habuimus 26 unitates⁷⁵, cum ipsa copulatio terminet in primo gradu; et divisimus ipsas 26 unitates per 4, et venerunt unitates 6, et remanserunt 2. Quare posuimus 6 in loco unitatum, et duo posuimus super virgam de 4; et sic intelligatur de reliquis similibus divisionibus.